எனக்குப் பிடித்தமான மொழிகளில் ஒன்று சினிமா மொழி. காட்சி மொழியான இதன் மூலம் கதை சொல்லல் என்பது தனிப்பெரும் கலை. இந்தக் கதையாடல் மூலம் வரலாற்றைச் சொல்லுதல், பதிவு செய்தல் என்பது, தகவல் தொழில்நுட்ப காலமாக வர்ணிக்கப்படும் சமகாலத்தில் முக்கியமானது. ஆனால் அவ்வாறான காட்சி ஆவணப்படுத்தல் தமிழில் அருத்தலாகவே உள்ளது. அவ்வாறான முயற்சிகளுக்கு அனுசரணையும் மிகக் குறைவாகவே உள்ளது.
அடுத்துவரும் பத்தாண்டு காலத்தில் உலகின் முக்கிய பிரச்சனைகளில் ஒன்றாக உருவெடுக்க இருக்கிறது அதிகரிக்கும் முதியோர் விகிதம் என்கிறது ஆய்வுகள். முதியவர்களைப் பராமரிப்பது, மன அழுத்தங்களிலிருந்து பாதுகாப்பது, உடல் உள ஆரோக்கியங்களைப் பேணுவது, என்பவை தொடர்பில் எவ்வாறான முயற்சிகளை மேற்கொள்ளலாம் என அகிலமெங்கும் ஆலோசனைகள் மேற்கொள்ளப்படுகின்றன.
சுவிற்சர்லாந்தில் இயங்கும் முதியவர்களுக்கான முக்கிய பல்கலைக்கழகங்களில் ஒன்று Connaissance 3. இப்பல்கலைக்கழகத்தின் நோக்கம், 60/65 வயதுகளின் பின் ஓய்வூதியம் பெறும் வயோதிபர்கள் தொடர்ந்து தாம் விரும்பும் விடயம் ஒன்றில் அறிவை விருத்தி செய்வதற்கு விரும்புகிறது. அது உல்லாசமாக குழுவாக சென்று ஒரு புதிய ஊரை அதன் இயற்கையை அறிந்தி கொள்வதாகவோ, புதிதாக ஒரு துறையை பற்றி தெரிந்து கொள்வதாகவோ, ஒரு கலையை படிப்பதாகவோ இருந்தால், அவர்களுக்கு அப்பல்கலைக்கழகம் உதவி செய்கிறது.
ஆலய நிர்வாகத்தினர் மனமுவந்து அனுமதி தந்தார்கள். மேற்குலகில் முதியவர்களுக்கு வழங்கப்படும், வண்ணங்கள், மலர்கள், மனதுக்கு உகந்த இசை, தாளலயம், என்பன உள்ளடங்கிய Snoezelen Room therapy எனும் பயிற்சிச் சிகிச்சை முறையினை ஒத்ததாக இருப்பது எமது கோவில்களும், அங்கு நடைபெறும் வழிபாட்டு முறைகளுமாகும்.
எங்கள் ஶ்ரீ நவசக்தி விநாயகர் ஆலயத்தில், காட்சியும், கானமுமான காலமாக ஐயப்ப மண்டல பூர்த்திநாள் அமையும். அந்த ஆண்டில் (2017) வந்த {யப்ப மண்டல விரதபூர்த்தி நாளில், வழிபாட்டின் சூழலுக்கு இடையூறு இல்லாதவகையில் காட்சிப்படுத்த அறிவுறுத்தினேன். திட்டமிட்டவகையில் எல்லாம் நடந்தபோதும், கதை முக்கிய பாத்திரங்களான தாத்தா, பாட்டி, அன்றைய தினத்தில் வரமுடியாது போனது. சரி அவர்களின் காட்சிகளைப் பின்னர் படமாக்கலாம் என்று படப்பிடிப்பினை நடத்தினார்கள். ஆனால் அடுத்து வந்த காலப்பகுதியில் தாத்தா பாட்டி வருவது சாத்தியமற்றுப் போனது.
எல்லா முயற்சியும் வீணாகப் போய்விடும் என்ற வருத்தமுடன் கீர்த்திகன் மீண்டும் தொடர்புகொண்டார். இந்த முயற்சி தொடர்வதற்கு உதவ வேண்டும் என்றார். " எடுக்கப்பட்ட காட்சிகளுள் நீங்களும் அத்தையும், நிறைய இடங்களில் தென்படுகின்றீர்கள். ஆகவே தாத்தா, பாட்டியாக, நீங்களும் அத்தையும், நடித்துத் தந்தால் இதனை முடிக்கலாம்... வேறு வழி தெரியவில்லை. எனது குழுவினரும் இதனையே சொல்கின்றனர்" என்றார்.
ல் அமைந்துள்ள Salle Padewrewski திரையரங்கத்தில், நூற்றுக்கணக்கான பார்வையாளர்கள் மத்தியில், இத்திட்டத்தில் உருவாகிய ஏனைய பத்துப் படங்களுடன் " தலைமுறைகள் " படமும் திரையேறியது.
அன்று காட்சிப்படுத்தப்பட்ட படங்களில், சினிமா மொழிசார்ந்து என் விருப்பதுக்குரிய தெரிவாக வேறு படங்கள் இருந்தபோதும், பிரியத்துக்குரியதாக " தலைமுறைகள் " இருந்தது. ஏனென்றால் அது எங்களின் கதை. அதற்குள் இணைந்து வருவது எங்கள் ஆலயத்தின் கதையும் கூட. சுவிற்சர்லாந்தின் கலைக்கல்லூரி ஒன்றின் ஆவணக் காப்பகத்தில், காட்சி ஆவனமாக எங்கள் கதை பதிவாகியிருப்பது வரலாற்றுச் சாசனம். காலங்கள் பல கடந்தும், அங்கு கல்வி பயிலும் மாணவர் ஒருவர், இக் காட்சி ஆவணத்தைப் பார்க்கையில்; அது எம் கதை சொல்லும்.
Les Générations எனப் பிரெஞ்சு மொழியிலான தலைப்பில் " தலைமுறைகள் " படத்தினை இங்கு காணலாம்.
No comments:
Post a Comment